နေမင်းလမင်း ချစ်ခြင်း အသင်္ချေ

လူတစ်ယောက်ဟာ တစ်စုံတစ်ယောက်ကို သေဆုံးသွားသည့်တိုင် ၊ 

သူသိအောင်ဖွင့်မပြောပဲနဲ့ မြတ်နိုးစွာ ချစ်နေခွင့် ရှိပါသလား ။ 

နေမင်းအသင်္ချေ

၁၉၈၁

ကျွန်တော့်ရဲ့ ဘဝက ကြမ်းရှလွန်းတယ် ။ 

လူမှန်းသိတတ်စအရွယ်ထဲက မိသားစု ထမင်းဝိုင်းလေးကို ပျောက်ဆုံးခဲ့ရပြီး ၊ 

 ဝေ့ သီနေတဲ့ ညနေညိုရီတွေမှာ ကျွန်တော့်ရဲ့နေ့စွဲတွေဟာ သိပ်ကို အထီးကျန်ဆန်လွန်းခဲ့ပါတယ် ။ 

ကျောင်းဝတ်အင်္ကျီအဖြူလေးနှစ်ထည်နဲ့ ဘောင်းဘီတို အစိမ်းလေး တစ်ထည်ကိုသာ ၊ 

ပိုင်ဆိုင်ခဲ့ရတဲ့ ကျနော်ဟာ သိမ်ငယ်စိတ်တွေ မဖြစ်ခဲ့ပေမယ့်  ၊ 

မိဘနှစ်ပါးရဲ့ အလယ်မှာ ညအိပ်ရာဝင်ခွင့်မရခဲ့တဲ့ အတွက်တော့ အကြိမ်ကြိမ် ကြေကွဲနေခဲ့မိတယ် ။ 

ဘဝကို နောက်ပြန်ရစ်ကြည့်လို့ရမယ်ဆိုရင် မိဘနှစ်ပါးရဲ့ လက်ကို ကိုင်ဆွဲပြီး ၊ 

ကလေးကစားကွင်းတွေထဲမှာ တစ်ရက်လောက်တော့ ပြေးလွှားဆော့ကစားဖူးချင်သေးတာပေါ့ ။ 

( ၇ )နှစ်သားအရွယ်ထဲက ကိုယ်တိုင် လွယ်အိတ်လွယ်ပြီး ကျောင်းတက်ခဲ့ရပေမယ့် ၊ 

မိဘ နှစ်ပါးရဲ့ လက်ကို ကိုင်ဆွဲပြီး ကျောင်းသွားခွင့် တစ်ကြိမ်လောက်တော့ ရဖူးချင်ပါရဲ့ ။ 

ပညာမတတ်တဲ့အပြင် တစ်ခုလပ်ဖြစ်သွားလို့ ဝမ်းစာကို ပင်ပန်းခြင်းကြီးစွာ ရှာဖွေနေရတဲ့ ၊

အမေ့ရဲ့ ချွေးနည်းစာဟာ ကျွန်တော့်အတွက်တော့ လိုတာထက်ပိုပြီး ပြည့်စုံနေခဲ့ပြီးသားပါ ။ 

တစ်ခါတစ်ရံမှာ လက်ဆုံစားဖြစ်တဲ့ ကျနော်တို့ သားအမိ နှစ်ယောက်ရဲ့ ညစာ ထမင်းဝိုင်းလေးဟာ ၊ 

ငစိန်ဆန် ထမင်းနဲ့ ပင်တိုင်လိုဖြစ်နေတဲ့ ငါးဖောင်ရိုးခြောက် မီးဖုတ်လေးနဲ့ ဆိုပေမယ့် ၊ 

ကျွန်တော့်အတွက်တော့ အသက်ဆက် အဟာရတွေပါ အမေ ။ 

ကျွန်တော့်အမေ ကျွန်တော့်ကို ရှာဖွေ ကျွေးမွေးခဲ့တာလေးကို ပြန်ပြောင်းအမှတ်ရမိပါရဲ့ ။ 

အရင် အိမ်ထောင်ဆက်က ရခဲ့တဲ့ သားနှစ်ယောက်ရဲ့ မိသားစုတွေနဲ့အတူ ၊ 

ကျွန်တော်တို့ အိမ်လေးကို လာပြီး အမြဲလိုလို ဒုက္ခနဲ့ သောကတွေ ပေးနေတတ်တဲ့ ၊ 

 မိသားစု ပြဿနာတွေကြောင့် ၊ အဖေဟာ ကျွန်တော့်ကို ချစ်ရက်နဲ့ ၊ 

ကျွန်တော် ( ၇ ) နှစ်သား အရွယ်မှာပဲ ကျွန်တော်နဲ့ အမေ့ကို စွန့်သွားခဲ့တယ် ။

မှတ်မှတ်ရရ ကျနော်ချစ်တဲ့ အဖွားဆုံးလို့ ( ၃ ) ရက်လောက်နေတော့ ၊ 

အိမ်အိုလေးကို ရောက်နေတဲ့ အမေ့ရဲ့ အရင်အိမ်ထောင်နဲ့ သားနှစ်ယောက်ထဲက အကြီးကောင်က ၊ 

ကျွန်တော့်ကို ရေနွေးအိုးနဲ့ ပစ်ပေါက်လို့ ကျွန်တော့်ရဲ့ ဘယ်ဖက် လက်တစ်ဖက်ဟာ ၊ 

သေရာပါ အမာရွတ်ထင်ကျန်သွားခဲ့တယ် ။ 

အိမ်ရှေ့က ခြံထောင့်လေးထဲမှာ တစ်ယောက်ထဲ ရေတွင်းတူးနေခဲ့တဲ့ အဖေဟာ ၊ 

ကျွန်တော့်ကို ပွေ့ပြီး ဆေးရုံပြေးရင်း အဲဒီကိစ္စ အတွက်နဲ့ပဲ အမေနဲ့စကားများပြီး ၊ 

အိမ်အိုလေးပေါ်ကနေ အပြီးတိုင် ဆင်းသွားခဲ့တာပေါ့ ။ 

ကျွန်တော့်ရဲ့ အားကိုးရာ ကောင်းကင်ကြီးတစ်ခု ပျောက်ဆုံးသွားခဲ့ခြင်းပါပဲ ။ 

အမေတူအဖေကွဲ အသက် ( ၂၀ ) ကျော် ကွာတဲ့ အကိုနှစ်ယောက်ရဲ့ နှိပ်စက်အနိုင်ယူမှုတွေအပြင် ၊ 

မရီးတွေကပါ ရေတိုင်ကီထဲ ဇောက်ထိုးနှစ်လိုနှစ် ၊  နေပူထဲမှာ အချိန်တော်တော်ကြာ ရပ်ခိုင်းလိုခိုင်း ၊ 

အစ်ကိုအကြီးဆုံးက နရင်းရိုက်တာ လက်ဆ များသွားလို့ ၊

ဘယ်ဖက်နားက သွေးယိုပြီး ဆေးခန်းရောက်တော့ ၊ 

အမေငိုနေတာကိုကြည့်ပြီး အမေ့ကို သနားနေမိတယ် ။ 

" အမေရယ်..... လူ့ဘဝရဲ့ ခမ်းနားမှုဆိုတာ ဘာတွေလဲဟင်.... " လို့ 

 အဲဒီအချိန်က ကျနော်ဟာ မမေးတတ်ခဲ့ပါဘူး ။ 

ခေါင်မိုးမလုံတော့တဲ့ ဘဝလေးထဲမှာ အမေဟာ လောကဓံကို ခါးစောင်းတင်ပြီး ၊ 

အရပ်တစ်ကာလှည့်လို့ အိမ်တိုင်ရာရောက် နတ်တင်ပေးတဲ့ တစ်ကိုယ်ရည် 

နတ်ကတော်ဘဝကို နေ့ချင်းညချင်း အသွင်ပြောင်းသွားခဲ့တယ် ။ 

အဖေနဲ့အမေရဲ့ ပြတ်စဲခြင်းမှာ အဲဒါကလည်း အကြောင်းတရား တစ်ချက်အဖြစ်ပါဝင်နေခဲ့တာကို ၊ 

ကျွန်တော်အရွယ်ရောက်ချိန်မှာ သိနားလည်ခဲ့ရတယ် ။ 

အဖေက ရတနာ သုံးပါးကိုသာ မမှိတ်မသုံ ဦးလည်ယုံကြည်တဲ့ ထေရဝါဒ ဥပသကာ ဖြစ်ပေမယ့် ၊

အမေကတော့ ဘာမှန်းမသိတဲ့  ရိုးရာနတ် ဆိုတာတွေနဲ့သာ အချိန်ကုန်နေခဲ့တာဖြစ်ပါတယ် ။

ဘာပဲဖြစ်ဖြစ် အမေ့ရဲ့ ရိုးရာနတ်တင်ပေးတတ်တဲ့ အမေဖြူ ဆိုတဲ့ ခေါင်းစဉ်အောက်မှာ ၊ 

ကျွန်တော့်ရဲ့ ထမင်းပန်းကန်လေးထဲ ငစိန်ဆန်ထမင်းနဲ့ ငါးဖောင်ရိုးခြောက်မီးဖုတ်လေးတွေ ၊ 

အမြဲရှိနေတတ်တဲ့ အတွက် အမေ့ရဲ့ ကျေးဇူးတရားတွေဟာ ဆပ်မကုန်နိုင်လောက်အောင် ၊ 

ကြီးမားနေခဲ့တာတော့ အမှန်ပါပဲ ။ 

အမေအိမ်ပြန်နောက်ကျတဲ့ နေ့တွေမှာ ကျွန်တော်ဟာ အိမ်အိုလေးထဲ ထိုင်ရင်း ၊ 

မီးမထွန်းတတ်ခဲ့ပဲ အမှောင်လေးထဲမှာ သီချင်းတွေ အကျယ်ကြီး အော်ဆိုနေခဲ့မိတယ် ။

အဖေရှိစဉ်က သင်ပေးထားခဲ့တဲ့ အောင်ခြင်း( ၈ )ပါး သီချင်းလေးကို ၊ 

အစီအစဉ်မကျ အမြီးအမောက်မတည့်စွာနဲ့  အော်ဆိုရင်း ၊ 

ဗိုက်ဆာဆာနဲ့ အိမ်တံခါးဝလေးမှာ အိပ်ပျော်သွားတတ်လေ့ရှိတဲ့ ကျွန်တော်ဟာ ၊ 

အိပ်နေရင်းနဲ့လည်း ရှိုက်ငိုနေတတ်သေးတယ်လို့ အမေက ပြန်ပြောပြတတ်ပါတယ် ။ 

တစ်ခါတစ်ရံမှာလည်း ကျွန်တော်က အရမ်းစိတ်ကူးယဉ်တတ်ပါသေးတယ် ။ 

အထူးသဖြင့် ကျွန်တော်တို့ ခြံနောက်ဖေးက လူနှစ်ဖက်စာလောက်ရှိတဲ့ မလွှပင်ကြီးရဲ့ အောက်မှာ ၊ 

တစ်ယောက်ထဲ ထိုင်နေတတ်တဲ့ ကျွန်တော်ဟာ ကွင်းပြင်ကျယ်ကြီးကို ငေးမောရင်း ၊ 

စိတ်ကူးတွေထဲမှာ မိစုံဖစုံနဲ့ ပျံဝဲနေတဲ့ ငှက်လေးတွေဟာ ကျွန်တော်ပဲ ဖြစ်နေမိတော့တယ် ။ 

လေတိုက်တိုင်းယိမ်းနွဲ့နေတဲ့ ယူကလစ်ပင်တန်းတွေရဲ့ ရနံ့တွေထဲမှာ မိန်းမောရင်း ၊ 

ကြိုးပြတ်စွန်တွေရဲ့ လေလွင့်ရာကို ကြည့်ပြီး အလိုလို ဝမ်းနည်းနေတတ်သေးသလို ၊ 

ခြံကြီးထဲက အပင်မြင့်မြင့်ကြီး တစ်ပင်ကို နှစ်ရှည်လများ တွယ်တက်နေတဲ့ ဂွေးတောက်နွယ်ကိုင်းကြီးကို ၊ 

ဒန်းစီးရင်း တစ်ယောက်ထဲ အတွေးတွေထဲမှာ ပျော်ဝင်နေတတ်သေးတယ် ။ 

လေးတန်းကျောင်းသားအရွယ်ရောက်တော့ ခြံနောက်ဖေးက မလွှပင်ကြီးအောက်မှာ ၊ 

မနက်စောစော မလွှပွင့်လေးတွေ ကောက်ရင်း အမေ့ကို ချက်ကျွေးခိုင်းခဲ့သေးတာပေါ့ ။ 

ကျွန်တော့်ဘဝမှာ မှတ်မှတ်ရရ တစ်ခုရှိနေခဲ့တယ် ။ 

ဘာလဲဆိုတော့ ..... 

တစ်နေ့မှာ အမေက နတ်သွားတင်ပေးရမယ့် အိမ်တစ်အိမ်ကို ကျွန်တော့်ကို ခေါ်သွားခဲ့တယ် ။ 

အဲဒီအိမ်ရောက်တော့ အမေက ထုံးစံအတိုင်း နတ်ဝင်တာပေါ့  ။ 

နတ်ဝင်လာတော့ အိမ်ရှင်တွေနဲ့ နတ်ကို ယုံကြည်သူတွေက အမေ့နားတိုးကပ်ပြီး ၊ 

 မေးကြမြန်းကြ ၊ ကြက်ကြော်တွေ ဆက်ကြ ၊  ငါးကြော်တွေ ဆက်ကြပေါ့ ။ 

ခဏကြာတော့ နတ်ဝင်နေတဲ့ အမေက အဲဒီနားက လူတွေကို ၊ 

ကြက်သားကြော် ငါးကြော်တွေကို ဖဲ့ကျွေးနေတာတွေ့တော့ ၊ 

ခပ်လှမ်းလှမ်းမှာ ထိုင်နေတဲ့ ( ၇ )  နှစ်သား ကျွန်တော်က မတ်တပ်ရပ်လိုက်မိတယ် ။ 

ကျွန်တော့်ကို အမေမြင်ပြီး ကျွေးမလားဆိုတဲ့ စိတ်နဲ့ပါ ။ 

ဒါပေမယ့် အမေသာ နတ်ဝင်လို့ပြီးသွားတယ်..... ကျွန်တော့်ကို မကျွေးခဲ့ပါဘူး ။ 

ကျွန်တော်လေ..... 

အဲဒီအဖြစ်အပျက်လေးကို မေ့ပျောက်လို့ မရနိုင်လောက်အောင်ကို ကြေကွဲခဲ့မိပါတယ် ။ 

အမေသာအားကိုးရာ ရှိနေတဲ့ အချိန်မှာ ဒါဟာ အမေ့ရဲ့ ဥပေက္ခာတရားပဲ..... လို့ ၊ 

မသိနားမလည်သေးတဲ့ အချိန်က လွဲမှားစွာ ထင်ခဲ့ပြီး ကြေကွဲနေခဲ့မိတာပါ ။ 

တစ်ကယ်တော့ အမေဟာ အိုကြီး အိုမ နတ်ဝင်သည်ဘဝနဲ့ ၊ 

ကျွန်တော့်ရဲ့အသက်ကို ဆက်ပေးနေခဲ့တာ မဟုတ်လား ။ 

ကျွန်တော့်ရဲ့ ဆာဟာရ လွင်ပြင်ထဲ အမေ့ရဲ့ ငါးဖောင်ရိုးခြောက်လေးဟာ ၊ 

အသက်ဆက်အိုအေစစ် တစ်ခုပါအမေရယ် ။ 

ရှင်သန်ရာဘဝတစ်လျှောက်လုံး ခါးသီးမွန်းကြပ်တဲ့ အထီးကျန်ခြင်းတွေကြောင့် ၊ 

ကျွန်တော်ဟာ အမြဲလိုတွေဝေငေးမောပြီး တွေးတောနေတတ်တဲ့သူတစ်ယောက်အဖြစ်နဲ့ ၊ 

လရောင်ဆမ်းတဲ့ ညတွေကိုမြတ်နိုးလာခဲ့မိတော့တယ် ။

လမင်းအသင်္ချေ

၂၀၁၁

တစ်ကယ်ဆိုရင် ကန္တာရကျောပိုးသူရဲ့ ရင်ထဲမှာ ဆွတ်ပျံ့တဲ့ လရောင်ချိုတွေကို တမ်းတရင်း ၊ 

သိမ်မွေ့နူးညံ့တဲ့ ချစ်ခြင်းတွေ မြစ်တစ်စင်းလို အလျားလိုက်စီးဆင်းနေဆဲပါ ။ 

ရှင်သန်ရာ ဘဝတစ်လျှောက်လုံး သိမ်ငယ်စိတ်တွေနဲ့ အနည်ထိုင်ခဲ့တဲ့ ကျွန်တော်ဟာ ၊ 

သူမနဲ့ ပက်သက်ပြီးကတည်းက ကျွန်တော့်ကမ္ဘာမှာ ကျွန်တော်ဟာ သူရဲကောင်းဖြစ်နေခဲ့တယ် ။ 

ရင်ခွဲခံခဲ့ရတဲ့ ကျွန်တော့်ရဲ့ စာမျက်နှာတိုင်းဟာသူမရဲ့ အလင်းစက် တစ်ချို့ကြောင့် ၊ 

သင်ခန်းစာ အဖြစ်နဲ့ အရှင်လတ်လတ် ဘဝပြောင်းသွားခဲ့ကြတယ် ။ 

ရင့်ရော်လွင့်ပါးသွားတဲ့ အထီးကျန်နေ့စွဲတွေအကြောင်း သူမကို ပြောဖြစ်ရင်း ၊ 

သူမရဲ့ ခပ်ဟဟ ရယ်သံတစ်ချို့မှာ စောင်းလေညင်း သဲ့သဲ့ရိုက်ခတ်ခဲ့သလို ၊ 

 ကျွန်တော့်ရဲ့ လောကဓံတွေ အဲဒီအချိန်လေးအတွင်းမှာပဲ အငွေ့ပျံသွားခဲ့ကြတယ် ။ 

ကျွန်တော့်ရဲ့ ကောင်းကင်မှာ အမြဲတမ်း ထွန်းလင်းနေတဲ့ လမင်းအိမ်လေးရေ..... 

အရာအားလုံးအတွက် ကျေးဇူးတင်ပါတယ်ဗျာ ။ 

ဖုန်သွေ့နေတဲ့ကျွန်တော့်ရဲ့ ဒိုင်ယာရီတွေဟာ သူမရဲ့ မေတ္တာတရားကြောင့် ၊ 

သက်ဝင်စွာ သီချင်းဆိုတတ်ခဲ့တယ် ။ 

တစ်ခါတစ်ရံမှာ သူမရဲ့ စိတ်အလိုမကျမှုတွေဟာ ကျွန်တော့်အတွက်တော့ ၊ 

တစ်သံသရာလုံးက ငရဲတွေ တစ်ခဏအတွင်း ကျရောက်ခဲ့သလို ကူကယ်ရာမဲ့ခဲ့ဖူးသေးတာပေါ့ ။ 

ကျွန်တော့်ရဲ့ လမင်းအိမ်လေးကို အဲဒီလို တိမ်ညိုတွေ ခဏတာ ဖုံးတဲ့ အခိုက်အတန့်လေးဟာ ၊ 

ကျွန်တော့်အတွက်တော့ တစ်ကမ္ဘာစာ အမှောင်ကျခဲ့ခြင်းပါပဲ ။ 

လမင်းအိမ်လေးရေ..... 

ကျွန်တော့်ရဲ့ နယ်လွန်စိတ်တွေ အမှောင်ကျခဲ့ခြင်းထက် ၊ 

လမင်းအိမ်လေးရဲ့ အပြုံးတွေ ညှိုးနွမ်းသွားမှာကို ကျနော်ပိုပြီး စိုးရိမ်မိပါရဲ့ ။ 

ကျွန်တော့်ကြောင့်တော့ စိတ်အနှောင့်အယှက်မဖြစ်ပါနဲ့နော် ။

သိင်္ဂါရနှင်းတို့ရဲ့ ဆွတ်ပျံ့တဲ့ လရောင်အောက်မှာ ကျွန်တော့်ရဲ့ ဘဝကန္တာရဟာ ၊ 

ချစ်ခြင်းတရားရဲ့ ဆွဲလဲသံတွေကြောင့် စည်စည်ဝေနေခဲ့တယ် ။ 

ကောင်းကင်ရဲ့ နက္ခတ်တွေထဲမှာ သောကြာကြယ်ပဲဖြစ်ချင်ခဲ့တာဟာ ၊ 

လမင်းအိမ် ဆိုတဲ့ သူမရဲ့ အလင်းကမ္ဘာထဲ သဲတစ်ပွင့်စာအဖြစ် မှုန်ရီစွာ ကူလင်းလက်ပေးချင်လို့ပါ ။

အသိရခက်တဲ့ သူမရဲ့ အတွင်းစိတ်အချို့ကို ကျွန်တော်မဖတ်နိုင်ခဲ့ဘူး ။ 

ဘာပဲဖြစ်ဖြစ် ကျွန်တော့်ကို သိမ်မွေ့စွာ ဆက်ဆံပေးတဲ့အတွက် ၊ 

ကျွန်တော့်နှလုံးအိမ်ဟာ အချိန်အမျှ နွေးထွေးစွာ ကြည်မွေ့နေခဲ့ပါတယ် ။ 

လတစ်စင်းလို အေးချမ်းတဲ့ လမင်းအိမ်လေးရေ..... 

ကျွန်တော့်ရဲ့ တိတ်ဆိတ်ညတွေဟာ လမင်းအိမ်လေးကြောင့် သက်ဝင်တောက်ပခဲ့သလို ၊ 

ကြည်ပြာရောင် ကောင်းကင်ယံထက် စိတ်ရွက်လှေကို လွှတ်တင်ရင်း ၊ 

လမင်းအိမ်လေးနားမှာ  ၊ ငါ့ရဲ့လမင်း သီချင်းလေးကို ဖွဖွလေး ရွတ်ဆိုခွင့်ပြုပါနော် ။ 

တစ်ကယ်ဆိုရင် လောကရဲ့ ထောင့်တစ်နေရာကနေ မကြာခင်ထွက်ခွာသွားရတော့မယ့် ၊ 

 ကျွန်တော့်ရဲ့ ကျန်ရှိ နေ့စွဲတွေဟာ လမင်းအိမ်ဆိုတဲ့ သူမရဲ့ နွေးထွေးစွာ ဆက်ဆံမှုတွေကြောင့် ၊ 

အရာရာကို ပါးလျစွာ မေ့လျော့နေစေခဲ့ပါတယ် ။ 

ဗန်ဂိုးမဆွဲဖြစ်ခဲ့တဲ့ ပန်းချီကားချပ်တွေထဲမှာ ၊
 
ကျွန်တော့်ရဲ့ နှလုံးအိမ်ထဲက လမင်းအိမ်လေးလည်း ပါဝင်ခဲ့တယ် ။ 

ဆိုက်ပရပ်စ် လမ်းတို့ရဲ့ ကြမ်းပြင်ထက်မှာ ကြယ်တွေစုံခဲ့သလို ၊ 

ကျွန်တော့်ရဲ့ အိပ်မက်ကောင်းကင်ထက်မှာလည်း ကြယ်တွေစုံနေခဲ့တယ် ။ 

ဗီသိုဗင်ရဲ့ တေးသွားတွေထက် ၊ 

သူမရဲ့ ကရုဏာတရားကသာ ကျနော့်စိတ်တွေကို ချွင်ချွင်မြည်စေခဲ့တယ် ။ 

ရှိတ်စပီးယား ပြဇာတ်တွေထက် ၊ 

သူမရဲ့ ကိုယ်ရေးရာဇဝင်ကသာ ကျွန်တော့်ရဲ့ ဘဝကျောက်စာဖြစ်တယ် ။ 

မံမီရုပ်ကြွင်းတို့ရဲ့ သမိုင်းဝင်မှုထက် ၊ 

သူမရဲ့ လက်ရေးမူကသာ ကျွန်တော့်အတွက် ထာဝရမှတ်တမ်းဖြစ်တယ် ။ 

ဒါဗင်ချီရဲ့ ပန်းချီကားချပ်တွေထက် ၊

သူမရဲ့ ရုပ်လွှာကသာ ကျွန်တော့်အတွက် အနဂ္ဃဖြစ်တယ် ။ 

သူမဟာ ကျွန်တော့်ရဲ့ နှလုံးအိမ် ဖြစ်သလို ကျွန်တော့်ရဲ့ အလင်းအိမ်လည်းဖြစ်တယ် ။ 

သူမဟာ ကျွန်တော့်ရဲ့ အဇ္ဈတ္တ ဖြစ်သလို ကျွန်တော့်ရဲ့ ဘဝကောင်းကင်လည်းဖြစ်တယ် ။ 

သူမဟာ ကျွန်တော့်ရဲ့ ဂီတ ဖြစ်သလို ကျွန်တော့်ရဲ့ ကဗျာတွေလည်းဖြစ်တယ် ။ 

သူမဟာ.....

သူမဟာ.....

သူမဟာ.....

သူမဟာ.....

လမင်းအိမ်လေးရေ.....
 
ကျွန်တော် မပြောဖြစ်ခဲ့တဲ့ အကြွင်းမဲ့ ချစ်ခြင်းတွေအကြောင်းကို 

 ဟောဒီ ဒိုင်ယာရီ စာအုပ်လေးထဲမှာ လွတ်လပ်စွာ ရေးခွင့်ပြုပါတော့ ။ 

ကျွန်တော်လေ.....

ကျွန်တော် ..... လမင်းအိမ်လေးကို မြတ်နိုးစွာ တန်ဖိုးထားပြီး ရင်နဲ့မဆန့်အောင် ချစ်တယ်ဗျာ ။ 

တိတ်ဆိတ်ပြီး အရာရာ သွေ့ခြောက်လို့ ငြိမ်သက်နေတဲ့ အခန်းကျဉ်းလေးထဲမှာ ထိုင်ရင်း ၊ 

သူ့လက်ထဲက ဒိုင်ယာရီ စာအုပ်လေးကို ဖြည်းညင်းစွာပိတ်လိုက်တယ် ။ 

ဆို့နင့် ကြေကွဲတဲ့ စိတ်တွေကြောင့် ယူကြုံးမရတဲ့ ခံစားမှုရဲ့ စိတ်စေရာအတိုင်း ၊ 

သူ့မျက်ဝန်းထဲက မျက်ရည်တွေ အတားအဆီးမရှိ ပြိုဆင်းကျလာခဲ့တယ် ။ 

" လင်းလင်း..... စိတ်ထိခိုက်မနေပါနဲ့တော့ကွာ..... "

" ကိုညီရဲ့ ဈာပန မှာငါတို့တွေ အကောင်းဆုံးဖြစ်အောင် ပံ့ပိုးပေးခဲ့ပြီးပြီပဲ..... " 

" သူ့ဘဝလေး ကောင်းရာလားဖို့အတွက် ငါတို့တွေ သူ့ကို ရည်စူးပြီး ၊
 
 ကောင်းမှုကုသိုလ်တွေ အများကြီး လုပ်ရင်း ဆုတောင်းအမျှဝေပေးကြတာပေါ့နော် ။ " 

ဘယ်အချိန်က ရောက်နေမှန်းမသိတဲ့ သုတက သူ့နောက်နားမှာ ရပ်ရင်း ၊ 

သူ့ပခုံးကို တင်းကျပ်စွာ ဆုပ်ကိုင်လို့ သူ့ကို ဖြေသိမ့်ခဲ့တယ် ။ 

ဖြေသိမ့်စကားတွေ ပြောနေတဲ့ သူ့မျက်ဝန်းထဲမှာလည်း မျက်ရည်တွေနဲ့ပါလား ။

" ကိုညီ့ကို လျှို့ဝှက်တဲ့ လူတစ်ယောက်အနေနဲ့ပဲ သိထားခဲ့တယ်ကွာ..... "

"သူလည်ချောင်းကင်ဆာဖြစ်နေလို့ အဲဒီလမင်းအိမ် ဆိုတဲ့ ကောင်မလေးကို သူ ဖွင့်မပြောခဲ့တာပါ ။ "

" သူ့ရဲ့ ဒီနေ့စဉ် ဒိုင်ယာရီ စာအုပ်လေးကို လမင်းအိမ် ဆိုတဲ့ ကောင်မလေးကို သွားပေးမယ်ကွာ..... "

"မင်းဘယ်လိုသဘောရလဲ သုတ....."

"အေးကွာ..... အခုလောက်ဆို သူလည်း ၊

ကိုညီ လိုင်းပေါ် မတက်ဖြစ်တဲ့ ရက်တွေမှာ ကိုညီ့ကို ရှာနေမလားပဲ ။ "

"ဘာပဲဖြစ်ဖြစ် သူ့ဒိုင်ယာရီထဲမှာ ရေးထားတဲ့ လမင်းအိမ်လေးနဲ့ ပက်သက်သမျှတွေ 

အကုန်ရှိနေတာပဲ..... "

" ရှေ့လထဲငါ မြန်မာပြည် ပြန်ဖြစ်ရင် အဲဒီလိပ်စာအတိုင်း ငါသေသေချာချာ သွားပေး ပေးပါ့မယ်ကွာ ။ "

နေမင်းလမင်းချစ်ခြင်းအသင်္ချေ

၂၀၁၂

ညီလင်းနိုင် ဈာပန တစ်နှစ်တိတိပြည့်တဲ့နေ့

ညနေ ( ၅ ) နာရီတိတိ ရွှေတိဂုံစေတီတော်ရဲ့ တောင်ဘက်မုဂ်မှာ ငှက်လွှတ်ကုသိုလ်ယူရင်း ၊ 

သုတမင်း ရဲ့နုတ်ဖျားက စကားတိုးတိုးလေး ထွက်ကျလာတယ် ။

" ဘဝတစ်လျှောက်လုံးအထီးကျန်နေ့စွဲတွေနဲ့သာ ရှင်သန်ခဲ့ရတဲ့ သူငယ်ချင်းရေ..... "

"ဖြစ်လေရာ ဘဝပဆက်ဆက် ခမ်းနားသိုက်ဝန်းတဲ့ မိသားစုလေးနဲ့အတူ ၊ 

မင်းသိပ်မြတ်နိုးခဲ့ရတဲ့ လမင်းအိမ်လေးကို ချစ်မြတ်နိုးတဲ့ အကြောင်းတွေ 

မင်းကိုယ်တိုင်ကိုယ်ကျ ပြောကြားဖွင့်ဟနိုင်တဲ့ သူ ဖြစ်ပါစေကွာ....." 

" မင်းမသိလိုက်တဲ့ အကြောင်းလေးတစ်ခု ရှိနေပါသေးတယ် သူငယ်ချင်းရယ်....." 

မင်းသိပ်မြတ်နိုးခဲ့ရတဲ့ လမင်းအိမ်လေးဟာ ၊ 

မင်းအကြောင်းသိခဲ့ရတဲ့ နေ့မှာပဲ ၊ 

လူဝတ်ကြောင်ဘဝကို စွန့်ခွာပြီး သာသနာ့ဘောင်ထဲကို အပြီးတိုင် ဝင်သွားခဲ့ပါပြီကွာ ။ "

ညီလင်းနိူင်