စစ်ပြေးလမ်းပေါ်က လွင့်စင်ကျလာတဲ့ ကဗျာ ၂

ချို့တဲ့ခြင်းမှန်သမျှကို လှိုင်လှိုင်ကြီးပိုင်ဆိုင်ထားတယ်  

ရင်ကွဲလောက်တဲ့ ပေါက်ကွဲသံတွေက အသားစမှန်သမျှကို ခပ်ထုတ်သွားခဲ့ပြီ

ငေါထွက်လာတဲ့ အရိုးမှာ ဝမ်းနည်းမှုဟာ တဆတ်ဆတ်ခါနေတယ်

နေ့မြင်ညပျောက်ဝပ်ကျင်းကလေးထဲ အသက်ဓာတ်ကို အချိန်ပြည့် ထိုးဖွက်ထားရ 

ယမ်းနံ့ ၊ သွေးနံ့ ၊ မျက်ရည်ရဲ့ ရနံ့တွေကြား ဘဝဆိုတာကို ဘယ်လို အဓိပ္ပါယ် ဖွင့်ဆိုရပါ့ 

 စစ်ပွဲရဲ့ ဝိသေသဆိုတာ အချိန်ပြည့် မှော်ဝင်နေတဲ့ ငရဲခန်း 

တစပြင်ထဲခင်းကျင်းထားရတဲ့ ဘဝမှာ သောကတွေသာ ထူထူထောင်ထောင်ဖွံ့ထွားတယ်

အိမ်မီးလောင် ယာမီးလောင်တာထက် ဘဝကို မီးစွဲလောင်နေတာ ငြိမ်းမရဘူး

အသားတစ်ဆွဲလှန်ခံရတာထက် ငြိမ်းချမ်းရေးကို မျက်ကွယ်ပြုခံရတာ ရင်နာတယ်

ဗုံးဆန်အောက်က ဝိဥာဉ်များ ဦးသန့်ဆီ စာပို့ပါ

မာသာထရီဆာဆီ စာပို့ပါ

ဘုရားသခင်ဆီ စာပို့ပါ

အတ္တလွန်ဆွဲရာအောက်မှာ နံရိုးတွေ တဖွေးဖွေး ဘဝတွေ အဆွေးဆွေး

ရှင်သန်ခြင်းဟာ နေ့နေ့ညည လောင်မီးကျနေပြီ

အလျှံတညီးညီး မြင်ကွင်းဟာ တစ်ဘဝလုံးစာ ချောက်ချားစရာကြီး

အသက်ဓာတ်ဟာ ပေါပေါလောလော ဆုတ်ဖြဲခံနေရ

သွေးညှီနံ့အလူးလူးအောက် အမှန်တရား ဆွဲကြိုးချခံထားရ

ကောင်းကင်မှာ ချိတ်ဆွဲထားတဲ့လတစ်စင်း မွမွရွရွ ကျကွဲသွားသလို

အရာရာဟာ အမှောက်မှောက်အမှားမှားနဲ့ အမှောင်ရင့်ရင့်စူးခဲ့ကြ 

ကမ္ဘာဦး နံရိုးတစ်စုံရဲ့ အသိဥာဏ်ထဲ

ကိုယ်ချင်းစာတရားကို တပ်ဆင်ပေးလိုက်သေးရဲ့လား ဘုရားသခင် ။






ညီလင်းနိူင်