ညီလင်းနိူင်: လောက အဆိပ်

ညီလင်းနိူင်

သတ်ကွင်းထဲက ညအက္ခရာများ

လောက အဆိပ်










ခမ်းနားတဲ့ လူ့ဘဝမှာ လူရာမဝင်တဲ့နေ့တွေကို တွေးမိတိုင်း ကျုပ် ကိုယ့်ကိုယ်ကို မုန်းနေမိတယ် ။

ပင်လယ်ဟာ အပြောကျယ်တယ်ဆိုရင် မြစ်တွေကလည်း အသက်ဝင်နေတာပါပဲ ။

လမင်းရဲ့အလင်းရောင်ကြောင့် ကမ္ဘာမြေကြီး ပိုပြီး ပြည့်စုံခဲ့တယ်ဆိုခဲ့ရင်လည်း

ခွန်အားရှိသရွေ့ လင်းလက်ပေးခဲ့တဲ့ ကြယ်စင်တွေရဲ့ သမိုင်းဟာလည်း

ရွှန်းစိုထက်ရှ မနေခဲ့ရင်တောင် ရီဝေတဲ့ဆောင်ကျဉ်းမှုတွေနဲ့ တစ်ထောင့်တစ်နေရာကနေ

ကြယ်ငွေ့တွေဖြာကျတဲ့အထိ စွမ်းဆောင်ပေးခဲ့ကြတာကို မမေ့သင့်ပါဘူး ။

အရိပ်ရဲ့တန်ဖိုးဟာ ဝေဆာအခက်ဖြာမှ မဟုတ်သလို

တစ်ကိုယ်စာ အရိပ်ပေးတဲ့ ပိန်းရွက်ကလေးဟာလည်း

တန်ဖိုးချင်းမညီမျှရင်တောင် တစ်ကိုယ်စာတော့..... လုံအောင်စွမ်းနိုင်ခဲ့ပါသေးတယ် ။

အမှိုက်ကရွှေမဖြစ်ခဲ့ရင်တောင် သူ့တန်ဖိုးသက်သေကို လောင်ကျွမ်းရင်း မီးလှုံဖို့အတွက်တော့၊ 

စွမ်းနိုင်ခဲ့ပါသေးတယ် ။

ငွေ့ရည်ဖြာနေတဲ့ တိမ်ခိုးလေးတွေရေ..... မင်းတို့ရဲ့ မျက်ရည်တွေဟာလည်း ၊ 

ကမ္ဘာမြေကို အေးချမ်းစေခဲ့ပါသေးတယ် ။ 













အတိဿရနှင်းတွေ ရွှဲနစ်စိုနေတဲ့ လမင်းလေးရေ.... 

နှင်းအဆက်ဆက်မှာ ခြုံထည်မရှိတဲ့ ဘဝတွေက လမင်းလေးရဲ့အလှကို မခံစားတတ်ခဲ့ကြဘူး ။ 

ကျုပ်ဟာ လရောင်ခင်းတဲ့ ကမ္ဘာမြေပေါ်က အဲဒီလို ခြုံထည်မရှိတဲ့ ဘဝတစ်ခုပါ ။ 

ဒါပေမယ့် လမင်းလေးကိုလေ..... 

ကျုပ်ဖြင့် အရမ်း...... မြတ်နိုးတာပဲ ။

စွန့်ပစ်ရက်သူနဲ့ စွန့်လွှတ်ခဲ့သူ ကြားမှာ အလင်္ကာတွေ ဝင်ရိုးစွန်းထိခြားနေခဲ့ပြီ ။ 

ရွှေခွက်နဲ့ ထမင်းဟာလည်း တစ်နပ်စာပါပဲ လမင်းလေးရဲ့ ။

ကျုပ် ဒီလိုပြောတော့ လမင်းလေးက အိနြေ္ဒအပြုံးနဲ့ ရှက်စဖွယ်လေး ပြုံးပြခဲ့တယ် ။



ဘယ်လိုဘဝမဆို 

အသက်တစ်ချောင်းရဲ့ ရှင်သန်ခြင်းဟာ ညီမျှခြင်းလိုပဲ ဖြစ်သင့်တယ်မဟုတ်လား ။ 

အဲလိုမျိုးသာဆိုရင် ကမ္ဘာကြီးက အရမ်းလှသွားမှာ လမင်းလေးရဲ့ ။ 

ကျုပ်တစ်ကယ်ပြောနေတာပါ လမင်းလေးရယ်......

အဲလိုကြီးတော့ မဲ့ပြုံး မပြုံးလိုက်ပါနဲ့နော်.....

လမင်းလေးပဲ စဉ်းစားကြည့်လေ.....

ဘဝတွေသာ အဲဒီလို ထပ်တူညီနေမယ်ဆိုရင်.....

ဟောဒီကမ္ဘာမြေကြီးထဲမှာ လူဆိုးဆိုတာလည်း မရှိနိုင်တော့ဘူးလေ.....

မတရားမှုတွေ မညီမျှမှုတွေလည်း မရှိနိုင်တော့ဘူး.....

ကျုပ်သိပ်မုန်းတဲ့ စစ်ဆိုတာလည်း မရှိနိုင်တော့ဘူး.....

အသားအရောင်ကွဲပြား အဆင့်အတန်းခွဲခြားမှုတွေဟာလည်း မရှိနိုင်တော့ဘူးပေါ့ လမင်းလေးရဲ့ ။ 


" ဟော..... တွေ့လား.....

လမင်းလေး ရယ်နေပြီ.....

တွေ့လား....."

ကျုပ်သိတယ်.... ကျုပ်ထင်တယ်.....

ကျုပ်ဒီလိုတွေ လာလာပြောပြ ရင်ဖွင့်တိုင်း လမင်းလေးက အမြဲလှောင်ရယ်နေတော့တာပဲ.....

တစ်ခုတော့ ကျေနပ်ပါတယ် လမင်းလေးရဲ့ ။ 

ကျုပ် ဘာပြောပြော ငြိမ်ငြိမ်လေး နားထောင်ပြီး အပြုံးလေးတွေနဲ့ တခုတ်တရ ရှိလှတဲ့ လမင်းလေးကို

ကျုပ်အသက်ထက် ပိုပြီးတန်ဖိုးထားတယ်ဗျာ..... ယုံဗျာ..... တစ်ကယ်ပဲ ။ 








 
 
 
 
" အား...... အေးလိုက်တာဗျာ..... "


တစ်သက်လုံး ခြုံထည်မရှိပဲ နေလာတာတောင် အခုထိကိုနေသားမကျသေးဘူးဗျာ ..... 

" ဟူး..... အရေးထဲ စောစောက ဆေးလိပ်တိုလေးတွေ့ထားတာက မီးမရှိလို့ ဘယ်လိုဖွာရပါ့ ။ "

" ဒါနဲ့.....

ကျုပ်ဒီမှာ အမြဲလို ထိုင်နေတာကို လမင်းလေးကတော့ အပြစ်မပြောလောက်ပါဘူးနော်....."

" ကျုပ်ဗျာ.....

သူများတွေကို ဘာစကားမှ ပြောချင်စိတ်မရှိဘူးဗျ.....

ရင်ထဲမှာတော့ ပြောချင်တာတွေ အပြည့်ပဲဗျာ.....

လမင်းလေးကိုတော့ အမြဲလို ပြောပြခွင့်ရနေတဲ့အတွက် ကျေးဇူးတင်ပါတယ် လမင်းလေးရယ်.....

ဒီညတော့ ကျုပ်ကို တစ်ညလုံးထိုင်ပြောခွင့်ပေးပါနော်....."




" ကျုပ် ဒီကမ္ဘာမြေပေါ်ရောက်လာခြင်းမှာ ဘယ်လို အပြစ်တွေများ ရှိနေခဲ့လို့လည်းဗျာ.....

အမေကိုမသိခဲ့ရဘူး..... အဖေကို မမြင်ခဲ့ဖူးဘူး.....

ဆွေမျိုးဆိုတဲ့ဝေါဟာရကို ထဲထဲဝင်ဝင် နားမလည်ခဲ့ဖူးဘူး.....

ပေးရင်ယူတယ်..... ကျွေးရင်စားတယ်.....

ခိုင်းရင်လုပ်တယ်..... ငေါက်ရင်မုန်းတယ်.....

အဲဒါ ကျနော်မှားနေလားဟင်.....

လမင်းလေးပဲ စဉ်းစားကြည့်ဗျာ.....
 

" ရွာတောင်ပိုင်းက ကြာခိုနေတဲ့ သူကြီးသား ထွန်းဖေကျတော့ တွေ့သမျှလူတွေက 

တစ်အားကို ပြုံးပြကြတာ....."

" သူ့အဖေ သူကြီးလည်း စိပ်ပုတီးလက်ချိတ်ပြီး ချစ်တီးတွေနဲ့ပေါင်း ရွာထဲက ရှိသမျှလယ်တွေကို

မတရားသိမ်းနေတာ လမင်းလေးအသိပဲ မဟုတ်လား....."

" အဲဒါကိုဗျာ..... 

သူကြီးတွေ့ရင် သူတော်စင်တွေ့သလိုပဲ ရွာရှိလူကုန် သူ့ကို ရိုသေပြနေလိုက်ကြတာ 

ကျုပ်ဖြင့် သိပ်ရွံတာပဲ ။ "

" ဒါနဲ့များ ကျုပ်တွေ့ရင် နှာခေါင်းရှုံ့လို့ မျက်နှာကြီးတွေ ခက်ထန်ပြနေလိုက်ကြတာများ

ကျုပ်ကို သိပ်ရွံကြသတဲ့ ။ 

လောကကတော့ နေတတ်ရင် ကျေနပ်စရာ မဟုတ်ဘူးဗျ ။ "



" သူတို့ဆီက အပြုံးလေးတစ်ပွင့်ဟာ ကျုပ်အတွက်တော့ ရတနာတစ်ပါးလိုပါပဲ.....

ရကိုမရခဲ့တာလေ.....

ဘာဖြစ်သေးလဲ....."

" ကျုပ်ဆိုတဲ့ကောင်က လူမှန်းသိတတ်စထဲက သူတို့သတ်မှတ်ထားတဲ့ အရာတွေကို 

အထင်ကိုမကြီးတာ....."

" သူတို့ချင်းတွေ့ရင်တောင် ရှေ့တင်ကျတော့ ပြုံးပြကြပြီး ခြေလှမ်း ( ၇ ) လှမ်း မပြည့်သေးဘူး

ချိုးချိုးဖဲ့ဖဲ့ကိုပြောနေကြတော့တာ...."

" ကျုပ်ကို လူစာရင်းမသွင်းထားတော့ ကျုပ်ရှေ့တင်ပဲ ပြောနေကြတာ လမင်းလေးရဲ့.....

နေတတ်ရင်ကျေနပ်စရာပါ..... တဲ့....."

ဟားဟားဟားဟား.....

" သိပ်ရယ်ရတဲ့ ပြက်လုံးဗျ....."

" ကျုပ်ဖြင့် နေတတ်လို့ ကျေနပ်နေတဲ့သူတွေ တစ်ယောက်မှတောင် မတွေ့ပေါင်ဗျာ.....

သားရေး သမီးရေး စီးပွားရေး ကြွားရေး လိမ်ရေး တွေနဲ့

မျက်နှာအတုကြီးတွေ ကိုယ်စီတပ်ပြီး

ငါ့ဝမ်းပူဆာ မနေသာလို့ကိုက် ဆိုတဲ့ သူတွေချည်းပါပဲဗျာ..... ။ "












" အား..... ခြေထောက်တစ်ဖက်က အရမ်းကိုက်တာပဲဗျာ....."

" အခုလိုအရမ်းအေးလာရင် မခံနိုင်လောက်အောင်ကို ကိုက်လာတာ လမင်းလေးရဲ့.....

ဘာဖြစ်ရဦးမလဲ.....

ဟိုတစ်လောကပေါ့.....

ရွာထဲက နတ်ဝင်သည်လုပ်နေတဲ့ ဒေါ်တင်မေကြီးပေါ့..... 

သူ့သားလေး ရေမကူးတတ်ပဲနဲ့ ချောင်းထဲသွားပြီး ရေကူးမယ်လုပ်နေလို့ ကျုပ်ကစေတနာနဲ့ 

သွားပြောပေးတာလေ.....

ကျုပ်က ပြောစရာရှိ ဒဲ့ပဲပြောတတ်တော့..... ။ "












" ဒေါ်တင်မေကြီး..... ခင်ဗျားသား ရေမကူးတတ်ပဲနဲ့ 

ချောင်းဖျားမှာ ရေကူးဖို့လုပ်နေတာတွေ့ခဲ့တယ်.... "

" သွားကြည့်လိုက်ဦး..... တော်ကြာနေ ရေနစ် သေနေဦးမယ်....

" အောင်မာ..... မဦးမချွတ်..... နင့်လို အလေအလွင့်ကများ ငါ့သားကို 

ရက်ရက်စက်စက်ပြောထည့်လိုက်တာ... "

" ကာလနာကြီး သေကိုမသေနိုင်ဘူး..... တွေ့နေရတာကိုက ရွာကျက်သရေယုတ်တယ်..... ဟွန်း "



" နေပေါ့ဗျာ..... စေတနာနဲ့လည်းပြောရသေးတယ်.... 

ခင်ဗျားတို့က ကျုပ်ကို ဘယ်တော့မှ အကောင်းမမြင်ဘူး....


" ဟဲ့..... မြင်စရာလား..... နင်က အကောင်းမှမဟုတ်တာ ကာလနရဲ့.... 

ဝေးဝေးသွားပါဟယ်..... နင့်မြင်ရတာ ရွံလွန်းလို့.... "


" သွားတယ်ဗျာ..... ကျုပ်ကလည်း လောက အတုနဲ့ နီးနီးမှာ မနေချင်ပါဘူး.... "


" အောင်မာ..... သေနာကျ.... တွေ့လား ကြီးကြီးကျယ်ကျယ်နဲ့ သူကပဲပြောရတယ်ရှိသေး..... 

ကောင်းကြသေးရဲ့လား အရပ်ကတို့ရဲ့..... "

ဒီXXXXXXXXXXXXXXX.... 














သူပြောချင်တာပြော အော်ချင်တာ အော်ကျန်ခဲ့တယ်.... 

ကျုပ်ကဖြင့် နားထဲမဝင် အပြစ်မမြင်ပါဘူး.... 

လောကကိုက လေကအတုကြီး မဟုတ်လား ။

မကြာပါဘူး.... 

သူ့သားရေနစ်သေတော့ ဘာမဆိုင်ညာမဆိုင်တဲ့ ကျုပ်ကို တစ်ရွာလုံးက ဝိုင်းတွယ်ကြပါရောလား ။

ကျုပ်ဖြင့်နာလွန်းလို့ အသားတွေတောင် တုန်တယ်ဗျာ..... အဟုတ်ပဲ.... 

ရိုက်ကြတာလေ လမင်းလေးရဲ့.... 

ကျုပ်ပါးစပ်က နတ်စီးလို့ အခုလိုသေရတာ...တဲ့ 

ကဲ..... ကောင်းကြသေးရဲ့လား လောကအတုကြီးရဲ့.... 

သူတို့တောင်ကျုပ်ကို ရွံလွန်းလို့ ဆိုပြီး အနားအကပ်မခံကြတဲ့ဟာ.... 

အခုချိန်ကျမှ ဘယ့်နှယ် နတ်က သွားမတိုက်တဲ့ ကျုပ်ပါးစပ်ကို လာစီးနေရတာတဲ့တုန်း.... 

တိုတိုပြောရရင်..... ကျုပ်ခြေထောက်က ဓားစာခံဖြစ်သွားရတာပေါ့ လမင်းလေးရယ်.... 

ရောင်လာတာလေ..... ဝါးရင်းတုတ်တွေနဲ့လွှဲရိုက်ခံထိတာ.... 

ဝါးကြောပါ ရှပြီး ပြည်တည်ရင်းနဲ့ တစ်အားကို ကိုက်နေတာ လမင်းလေးရဲ့.... 

" မောလိုက်တာဗျာ.... 

ရေသောက်ချင်တာ ရေလည်းမရှိဘူး.... 

ဘာပဲပြောပြောပါ လမင်းလေးရယ်.... "

" ကျုပ်ပြောချင်တာတွေကို ငြိမ်ငြိမ်သက်သက်လေး နားထောင်ပေးတဲ့အတွက် 

အရမ်း...... ကျေးဇူးတင်ပါတယ်.... 

ကျုပ်လေ.... 

လူဖြစ်ရခြင်းရဲ့ တန်ဖိုးကို တစ်ခါလောက်တော့ နားလည်ဖူးချင်လိုက်တာဗျာ....


" လူ့ဘဝရဲ့ တန်ဖိုးဆိုတာ ခန္ဓာကိုယ်ပေါ်က အရောင်တွေကို ညွှန်းဆိုတာလားဟင်.... 

ဒီလိုဆိုရင်တော့..... ကျနော် လူမဖြစ်ခဲ့တာ သေချာခဲ့ပါပြီ.... "

" ကျုပ်လေ လမင်းလေးရဲ့ဘဝကို အရမ်းအားကျတယ်ဗျာ.... "

ကျုပ်သေသွားခဲ့ရင်လေ လောကအတွက် တစ်ထောင့်တစ်နေရာကနေ လင်းလက်ပေးလို့ရတဲ့ 

လမင်းလေးရဲ့ ကိုယ်ရံတော် ကြယ်လေးတစ်စင်းဖြစ်ခွင့်ရချင်လိုက်တာဗျာ ။ 


" အဲ..... ဟိုမယ်.... 

နတ်ဝင်သည် ဒေါ်တင်မေကြီး အချိန်မတော်ကြီး ဘယ်ကပြန်လာတာပါလိမ့်.... "

" ဟောဗျာ.... "

" လဲကျသွားပြီ.... "














" ဟောဗျာ.... 

စောစောစီးစီး..... ကျက်သရေတုံးလိုက်တာဗျာ....

" မြင်ရတွေ့ရတာ ကျက်သရေ မရှိလို့ ကိုင်းထဲမဆင်းပဲပြန်တက်လာခဲ့တာ.... "



" ဟ..... ဘာဖြစ်ရပြန်တာတုန်း ဖိုးထူးရ.... "



" ဘာဖြစ်ရမလဲ ဘကြီးဆောင်ရဲ့.... 

ရွာထိပ်ဇရပ်ထဲမယ် အရူးကြီးဘသာရယ် သေနေပြီလေ.... 

စောစောစီးစီးမြင်လိုက်ရတာ ကျက်သရေတုံးလိုက်တာ....


" အင်း..... ဒုက္ခ..... ဒုက္ခ..... 

ဘသာတစ်ယောက် ဝဋ်ကျွတ်သွားခဲ့ပြီပေါ့....


" ဟဲ့..... ဟိုထိပ်က ဘာလို့ညံနေတာတုန်းဟ ဖိုးထူးရ.... 

သွားကြည့်စမ်းပါဦး....


" ဟုတ်..... ဘကြီးဆောင်.... "



" ဒီကောင်သေနေတာ ဘယ်မှာလည်း.... 

ဘယ်မှာလည်း.... 

အခုလိုက်သွားကြမယ်....


" ညက တောင်ဖက်ရွာက အရီးစိန်မြတို့ဆီမှာ နတ်လိုက်တင်ရင်း ကျုပ်အမေကြီးက 

အိမ်ပြန်နောက်ကျနေတာ.... 

အခုထိပြန်မလာသေးဘူး....


" ဒါ..... ဒီကောင့်လက်ချက်ပဲ.... ဒီကောင်သေရင်တောင် လိပ်ပြာကို ခုတ်သတ်ဦးမှာ.....


" တော်စမ်းပါ ထွန်းလှရယ်..... မင်းတို့မလဲ အဲဒီဒေါသတွေကြောင့်ခက်ပါ့ကွာ.... "

" သွားရှာကြစမ်းပါဦးဟ.... "

" ငါပါလိုက်ခဲ့ပါ့မယ်..... "













" ဟောဟိုမှာဇရပ်ထဲမှာ ခွေခွေလေး အမြုပ်တွေထွက်ပြီး သေနေတာ ဘသာပဲ.... "

" တွေ့လား.... "


" ကဲ..... ကဲ..... နေကြပါဦးဟ.... 

မတင်မေကိုရှာကြပါဦး....


" ဟောဒီမှာဗျိုး...... တွေ့ပြီ.... တွေ့ပြီ.... 

အရီးတင်မေရယ်..... ကိုင်းထဲမှာ လဲနေတယ်.... 

အသက်ရှိသေးတယ်ဗျ....


" သွားကြည့်ကြပါဟ..... သွားကြပါဦး....

" မအုံနဲ့..... မအုံနဲ့....

" လူတွေ အရမ်းမအုံကြနဲ့ဟ....


" အမေ..... အမေ.... "

" သတိရပြီလား..... သတိရပြီလား... "

" ဘာဖြစ်တာလဲဟင်..... ဘာဖြစ်တာလဲ.... "


" ဟော..... ဟော..... လှုပ်လာတယ်..... တွေ့လား.... "

" အသက်ရှိနေသေးတယ်.... "

" ပွေ့ပါဟ.... ပွေ့ချီခေါ်ပါဟ.... ရွာထဲကို မြန်မြန်ခေါ်ဟ.... "










 
 
 
 
 
ဒေါ်တင်မေ့ စကားအဆုံးမှာတော့...... 
 
တစ်ရွာလုံးကလူတွေ အပ်ကျသံ မကြားရလောက်အောင်ကို တိတ်ဆိတ်သွားကြတယ် ။ 

 

ရွာလုံးကျွတ်လူတွေရဲ့ မျက်ဝန်းတွေထဲမှာ ကရုဏာမိုးတွေက ၊ 

အပြင်လောကရဲ့ နှင်းတွေကို အံတုလို့  ပူနွေးစိုစွတ်နေခဲ့လေရဲ့.... ။ 


ဟူး.... 


အဘဆောင်ရဲ့ သက်ပြင်းရှည်ကြီးအောက်မှာ ရွာသားတွေရဲ့ မျက်ဝန်းတွေ ဝေ့သီတက်လာခဲ့တယ် ။ 


" အဟမ်း..... အဲတော့.... "


အဘဆောင် ချောင်းတစ်ချက်ဟန့်ရင်း.... 

နတ်ကတော် ဒေါ်တင်မေကို အသာကြည့်လို့ သူသိလိုတဲ့ နောက်ဆုံးအချက်လေးကို မေးလိုက်တယ် ။ 


" မတင်မေ ပိုးထိမှန်းသိသိချင်း အော်လို့ သူအနားရောက်လာတော့ ၊ 

မတင်မေက ဘာကြောင့် သူ့မျက်နှာကို တုတ်နဲ့ ရိုက်ပစ်ရတာတဲ့တုန်း.... "


ဒေါ်တင်မေ မျက်ရည်တွေတွေစီးနေရင်းက တစ်ချက် ရှိုက်လိုက်ပြီး.... 


" ဟုတ်ပါတယ် ကိုကြီးဆောင်ရယ်.... "

" ကျုပ်ထင်လိုက်တာက သူက အရင်က အညှိုးတွေနဲ့ ရန်ပြုမယ်ထင်လို့ သူ့မျက်နှာကို 

ရိုက်လိုက်တာမှာ.... "

" အခုတော့.... အခုတော့...."



" အင်း..... လောက..... လောက... 

အသက်ကိုကယ်မယ့်သူကိုတောင် မသိနိုင်တော့လောက်အောင်ကို 

မောဟတွေ ဖုံးလွှမ်းနေခဲ့ပါပေါ့လား လောကကြီးရယ်....


" မတင်မေက ဖြတ်ရိုက်လိုက်လို့ ပါးစပ် ပေါက်ပြဲသွားတဲ့ ဘသာဟာ အဲဒီပါးစပ်နဲ့ပဲ ၊

မတင်မေရဲ့ ပိုးထိထားတဲ့ ခြေမျက်စိအထက်က ဒဏ်ရာကို အဆိပ်တွေ စုတ်ထုတ်ပေးရင်း ၊

ခုတော့ သူ ပိုးထိသွားတော့တာပေါ့ ။


မြွေရဲ့ အဆိပ်ထက် 

လောက လူတွေရဲ့ အဆိပ်ကို သူတော့ သိပ်ကို နာကျည်းသွားတော့မှာပါပဲ ။ 







ညီလင်းနိူင် 





Related Posts Plugin for WordPress, Blogger...