အခန်း ၅
ဘယ်သူမှ မမှားခဲ့ကြပါဘူး
ကိုယ့်အမှန်တရားနဲ့ကိုယ်
စုန်းစုန်းချုပ်ခဲ့ကြရုံသက်သက်ပါ။
တရကြမ်းတွန်းမောင်းနေတဲ့ အချုပ်ကားထဲမှာ အတွဲလိုက်ခတ်ထားတဲ့ လက်ထိပ်ကိုယ်စီနဲ့မို့၊
တစ်ယောက်ယိုင်တာနဲ့ အကုန်ယိုင်နေကြပုံများ စကောထဲ ဇီးဖြူသီးထည့်လှိမ့်နေသလိုပါပဲ။
အချုပ်ခန်းထဲမှာ ၂၃ ရက်တိတိ နေခဲ့ရလို့ အားအင်တွေ ကုန်ခမ်းနေတာကြောင့်
ကျွန်တော့်ရင်တွေ တလှပ်လှပ်တုန်ပြီးမျက်လုံးဖွင့်မရလောက်အောင်ကို မူးဝေနေပါတယ်။
ပီဂျေတရားရုံးကနေ စွန်ဂိုင်းဗလို့ ထောင်အထိ တစ်နာရီကျော်ကျော်လောက် မောင်းအပြီးမှာ၊
ကားရပ်တာနဲ့ ကျွန်တော် ကမူးရှုးထိုးဆင်းပြီး အန်ချလိုက်မိတယ်။
ရင်တစ်ခုလုံး တုန်ရီနေပြီး ကိုယ့်ခြေလှမ်းကိုယ် သယ်ယူနေရတာတောင် လေးလံလွန်းလှရဲ့။
အကျဉ်းထောင်တံခါးကြီးဖွင့်လိုက်ပြီး ကျွန်တော်အပါအဝင် အချုပ်သား ၃၀ ကျော်လောက်ကို
စနစ်တကျ တန်းစီပြီး ဝင်ခိုင်းပါတယ်။
အထဲရောက်တော့ သမံတလင်းမှာ ရှေ့ဆင့်နောက်ဆင့် ထိုင်နေရပြီး အခန်းသေးသေးလေးထဲကို
တစ်ယောက်စီဝင်ခိုင်းပြီးမှ၊ UKP ( UNIT KUASA PENJARA ) လို့ခေါ်တဲ့
အမေရိကန် မရိန်းစစ်သားတွေလိုပြောက်ကျားဝတ်စုံတွေနဲ့ ထောင်ထိန်းတွေက အကျဉ်းသားတိုင်းကို
တစ်ကိုယ်လုံး ချွတ်ပြီး ရှာဖွေ စစ်ဆေးပါတယ်။
ထူးခြားတာတစ်ခုက လူကောင်သေးသေးကွေးကွေး UKP တစ်ယောက်မှမတွေ့ခဲ့မိပါဘူး။
အရပ်အမောင်းကောင်းကောင်းနဲ့ အကောင်ထွားထွားတွေကြီးချည်းပါပဲ။
သူတို့စစ်ဆေးနေချိန် တော်ရုံလူ အလိုလိုဒူးတုန်နေမိတာ အမှန်ပါ။ မတုန်ခံနိူင်ရိုးလား .....
ညင်ညင်သာသာ ပြောဆိုတာ တစ်ကြိမ်မှကို မရှိခဲ့ပါဘူး။ တစ်ခွန်းမေးလို့ သူ့စကားနားမလည်လို့ဖြစ်စေ၊
မကြားလိုက်လို့ဖြစ်စေ ထပ်မေးတယ်ဆိုတာ ရှိမှမရှိပဲ။
စကားမဆုံးသေးဘူး လက်က တန်းရောက်လာတာမျိုး။
တော်ရုံကြောင်တောင်တောင်လုပ်နေပုံမျိုးကတော့ ကိုယ်နေရမယ့်အဆောင် မရောက်သေးခင်
သူတို့လက်ချက်နဲ့တင် ဆေးရုံတက်ရလောက်ရဲ့။
အော်ဟစ်ငေါက်ငန်းသံတွေကြားမှာ အကျဉ်းသားတိုင်းရဲ့ မျက်လုံးတွေဟာ သိမ်ငယ်မှုအပြည့်။
ကိစ္စဝိစ္စတွေပြီးချိန်မှာတော့၊ ထောင်ဗူးဝကတစ်ဆင့် အကျဉ်းထောင်ကြီးရဲ့ အတွင်းပိုင်းကို
ဆက်ဝင်ရပါတယ်။
( Sungai Buloh ) စွန်ဂိုင်းဗလို့ထောင်ဟာ အတော်လေး သပ်ရပ်သန့်ရှင်းနေတာအမှန်ပါပဲ။
အတွင်းပိုင်းမှာ အဆောင်ပေါင်းမြောက်များစွာ တည်ရှိနေတဲ့အပြင်၊ မြေလွတ်နေရာတိုင်းလိုလိုမှာ
ပင်လယ်ကဗွီးပင်၊ ရွက်လှပင်နဲ့ ပန်းမျိုးစုံတို့ကို စနစ်တကျ သပ်သပ်ရပ်ရပ်စိုက်ထားတာတွေ့ရပါတယ်။
ဒုတိယ ဖြတ်သန်းရမယ့် အဆောင်ဝမှာ ထောင်ဝင်နံပါတ်အတွက် တန်းစီကြရပါတယ်။
ဘယ်နေရာပဲရောက်ရောက်.... ခြေဗလာနဲ့ ငုတ်တုတ်သက်သက်ပါပဲ။
ထောင်ဝင်နံပါတ် ကိုယ်စီရပြီးတာနဲ့ အကျဉ်းသားမှတ်တမ်းယူတဲ့ အဲဒီအဆောင်မှာပဲ
အကျဉ်းသားတိုင်း ဆံပင်ညှပ်ရပါတယ်။ ဆံပင်ညှပ်တယ် ဆိုတာထက် စက်ကပ်ကျေးနဲ့ တစ်ခေါင်းလုံး
ပြောင်အောင်ထိုးတယ်ဆိုရင် ပိုမှန်ပါမယ်။
လက်ဆစ်တစ်ဝက်လောက်ပဲ ကျန်တော့တာမို့ ကတုံးသာသာပါပဲ။
နိူင်င်ဂျီးရီးယား နိူင်ငံသားတစ်ယောက်က မညှပ်နိူင်ဘူးဆိုပြီး ငြင်းဆန်နေတာမို့၊
ထောင်ရဲတစ်ယောက်က၊ စကားပြောစက်နဲ့ UKP တွေကို ခေါ်လိုက်ပါတယ်။
ချက်ချင်းပဲ UKP တွေရောက်လာပြီး အဲဒီနိူင်ဂျီးရီးယားနိူင်ငံသားကို လက်ထပ်နောက်ပြန်ခတ်ရင်း
ဝိုင်းရိုက်လိုက်ကြတာများနေရာမှာတင် သွေးအလူးလူးနဲ့ ပုံပုံလေးလဲသွားပါတယ်။
ဘယ်နေရာမဆို စည်းကမ်းဆိုတာ လိုကိုလိုအပ်တာ မှန်ပေမယ့်၊ ထောင်ထဲမှာတော့
စည်းကမ်းကို ဆိုင်းဘုတ်မချိတ်ပဲ၊ အခုလို တစ်သက်စာ ဒဏ်ရာတွေနဲ့ ထဲထဲဝင်ဝင်
ရိုက်သွင်းပေးတတ်ကြပါတယ်။
ဆံပင်ညှပ်ပြီးသွားတော့ ..... တစ်ယောက်အိပ်မွေ့ယာ၊ သောက်ရေခွက်၊ ရေချိုးဆပ်ပြာတစ်တုံး၊
အဝတ်လျှော်ဆပ်ပြာနဲ့ ထောင်ဝတ်စုံတစ်စုံစီ ထုတ်ပေးပါတယ်။
အဲဒါတွေပြီးတော့ အခန်းတစ်ခုထဲကို တစ်ယောက်စီဝင်ပြီး ထပ်မံစစ်ဆေးခံရပါသေးတယ်။
ဒီအခန်းကတော့ ပိုကြမ်းတယ်။ အထဲမှာ UKP ၄ ယောက် တန်းစီရင်း
တစ်သုတ်ကို ၄ ယောက်နူန်းနဲ့ စစ်ဆေးပါတယ်။
အဝတ်အစားတွေ အကုန်ချွတ်ရပါတယ်၊ အတွင်းခံဘောင်းဘီကအစ ချွတ်ပြီး၊
မျက်နှာသုတ်ပုဝါလေး တစ်ထည်စီပတ်ရင်းစစ်ဆေးခံရပါတယ်။
ဗိုက်ကိုစမ်းတယ်၊ ပါးစပ်ဟခိုင်းတယ်၊ မထင်ရင်မထင်သလို လက်ဝှေ့သမားတွေ ထရိန်နင်ဆင်းသလို၊
ရင်ဘတ်ကို တစ်ချက်ချင်း ခပ်လေးလေး ခပ်မှန်မှန်လေး တစ်ချက်စီ ထိုးနေပါသေးတယ်။
တစ်ချက်ချင်း ခပ်လေးလေး ခပ်မှန်မှန်လေးထိုးနေရင်း ဘယ်နိူင်ငံကလဲ၊ ဘာမှုလဲ၊ ဗိုက်ထဲမှာ
ဆေး၊ ဘိန်း မျိုလာသေးလားအစရှိတဲ့ မေးခွန်းတွေ တစ်ခုချင်းမေးပါတယ်။
အဲဒီမှာ ကျွန်တော် နားမလည်တာ တစ်ခုပါပါတယ်။
ဘာလဲဆိုတော့ ..... Kereta ပါသေးလား ဆိုတဲ့ မေးခွန်းပါပဲ။
ကားကို မလေးရှား ဘာသာစကားနဲ့ Kereta လို့ ခေါ်တာကို ကျွန်တော် သိထားတာမို့၊
အခု သူမေးနေတဲ့ Kereta ပါသေးလား ဆိုတာကို နားမလည်နိူင် ဖြစ်နေပါတယ်။
ဘာပဲဖြစ်ဖြစ် မပါဘူးပြောတာက နောက်ကြောင်းအေးတာမို့ မပါဘူးပဲ ပြောလိုက်ပါတယ်။
ဟုတ်တယ်လေ .... ထောင်ကျပါတယ်ဆိုနေမှ ခြေဗလာ လက်ဗလာနဲ့
အပ်တိုလေးတစ်ချောင်းတောင် မပါတာကို ဘယ်သူက ကားပါလာရဦးမှာတဲ့တုန်း။
စိတ်ပေါက်ပေါက်နဲ့ စိတ်ထဲမှာပဲ ပြောလိုက်တာပါ။
ထုတ်ပြောရင် သွားကျွတ်ဖို့အခြေအနေက ရှိနေတာကိုး။
နောက်မှ သိရတာကတော့ ထောင်ထဲမှာ ဖုန်းကို ကား ( Kereta ) ရယ်လို့
မလေးရှားဗန်းစကားနဲ့ ခေါ်ဝေါ်ကြတာပါပဲ။
ဟုတ်ပါတယ် ..... ပြောရရင် မယုံနိူင်စရာပါပဲ။ ဟန်းဖုန်းတောင် အဲဒီလိုဗိုက်ထဲ ထည့်ပြီး သယ်လာသူတွေ
တကယ်ကို ရှိနေကြပါတယ်။ သေချာတာကတော့ အထက်လမ်းတော့ မဖြစ်နိူင်ဘူး။
အောက်လမ်းနည်းနဲ့ သွင်းယူလာခဲ့ကြတာပဲ ဖြစ်မယ်။ အတော်ကို ကြက်သီးထစရာ ကောင်းတဲ့ ကိစ္စပါပဲ။
ဟန်းဖုန်းတစ်ခုလုံး သွင်းပစ်လိုက်ဖို့ဆိုတာ တွေးတာနဲ့တောင် စိတ်ကူးဝက်ဝက်ကွဲလောက်တဲ့
ကိစ္စကြီးမဟုတ်လား။
အဲဒီလို မျက်စိသူငယ်နားသူငယ်လေးတွေနဲ့ သူတို့မေးတာဖြေရင်း၊ လက်ဝှေ့အထိုးကျင့်ခံကြရင်း၊
လူချင်းစစ်ဆေးတာကိုရင်တမမနဲ့ ဖြတ်ကျော်လိုက်ကြပါတယ်။
အခန်း ၆
ဒုတိယ ဖြတ်ကျော်ရမှာကတော့ လေယဉ်ကွင်းအဝင်ပေါက်တွေမှာ တပ်ဆင်ထားတဲ့ စက်တွေလိုမျိုးပါ။
အဲဒီစက်ကြီးထဲကို နံငယ်ပိုင်းလေးကိုယ်စီပတ်ရင်း ဖြတ်ကျော်ရပါတယ်။
ဂွကျတာက အဲဒီစက်က မြန်မြန်ဖြတ်ရင်လည်း တဒီးဒီး ထအော်သလို၊ လှုပ်လှီလှုပ်လဲ့လျှောက်ပြန်ရင်လည်း
ထထအော်နေတာမို့၊ ကျွန်တော့်အလှည့်ကျတော့ ဆင်မယဉ်သာလေး တိုတိတိုတိပဲ
ဖြတ်လျှောက်လိုက်ပါတယ်။
ကံကောင်းချင်တော့ ကျွန်တော့်အလှည့်မှာ စက်က သာသာယာယာပဲ ငြိမ်နေတာမို့၊
စက်ကို ကျေးဇူးတင်ရပါသေးတယ်။
မတင်လို့က မဖြစ်.... စက်ကို ဖြတ်ကျော်ချိန် စက်က ထအော်တဲ့ သူတွေကို ဘေးမှာ
သီးသန့်ထိုင်ခိုင်းထားပြီး၊ ဝမ်းနူတ်ဆေးကျွေးပါတယ်။
ဆေးက ပြင်းမပြင်းတော့ မသိဘူး။ ၅ မိနစ်မကြာလိုက်ဘူး အလေးသွားကြတော့တာပါပဲ။
အလေးစွန့်တယ်ဆိုလို့ အိမ်သာမှာ သွားရတယ်တော့ မထင်ပါနဲ့။
အဲဒီ သကောင့်သား UKP ကိုကိုများရှေ့မှာပဲ
ဒန်ဖလားလေးနဲ့ မျက်နှာငယ်ငယ်လေးချိတ်ပြီး သွားကြရတာပါ။ ဗိုက်ထဲမှာ ဆေးလိပ် လိပ်သောက်လို့ရတဲ့
ဗာဂျီးနီးယားဆေးသားထုပ်တွေ၊ ဘိန်းတွေ၊ ဖုန်းတွေ ထွက်ကျလာလို့ကတော့
ကိုယ့်ဘဝကို နက်နက်နဲနဲစဉ်းစားစားထားတော့ပဲ။
လောလောဆယ် နံပါတ်တုတ်တွေ Safety Shoe တွေကို တစ်ဝကြီး လှိုင်လှိုင်စားသုံးရပြီး၊
တိုက်ပိတ်ခံရဖို့ကတော့ ၁၀၀% တိတိသေချာနေပါတယ်။
အဲဒီလို အဆင့်အဆင့် ဖြတ်ကျော်ရင်း အသစ်ဝင်လာတဲ့အကျဉ်းသားတွေကို တစ်ပတ်တိတိထားတဲ့
ယာယီအဆောင်ကြီးရှေ့ကို ရောက်ပါတယ်။
အဲဒီမှာလည်း ထပ်စစ်ဆေးခံရပါသေးတယ်။ စစ်ဆေးပြီးတော့ အဆောင်ထဲကို ငုတ်တုတ်ထိုင်လျက်နဲ့
နောက်ပြန်ဝင်ခိုင်းပါတယ်။
အဝင်ဝကနေ အဆောင်ထိကို အတော်လှမ်းတာမို့ မွေ့ယာ၊ ဆပ်ပြာတုံး ရေခွက်တွေကိုကိုင်ထားရင်း
တစ်ဖက်နဲ့၊ငုတ်တုတ်ကြီးကိုရယ်တဲ့မှ နောက်ပြန်ဆိုတော့ မရိုက်ရပဲနဲ့ကို အလဲလဲအကွဲကွဲပါပဲ။
အထဲရောက်တော့ ကိုယ်နေရမယ့်အဆောင်ကို ချက်ချင်း မဝင်ရသေးပဲ အခန်းလွတ်ကြီးတစ်ခုထဲမှာ
နေရာချထားပါသေးတယ်။
အဲဒီအထဲမှာပဲ ညစာထမင်းကို ကျွေးပါတယ်။ စားသောက်ပြီးတော့ ငါးယောက်တစ်တန်းစီ စီခိုင်းပြီး၊
ကျွန်တော်တို့နေရမယ့် ဒုတိယအထပ်က အဆောင်ကြီးပေါ်တက်ခိုင်းပါတယ်။
အတော်များများကတော့ ..... မသိရင် အဝေးရောက်သား အမေ့အိမ်ဆီ ပြန်ရောက်တဲ့ပုံစံမျိုးတွေနဲ့
ပြေးပြေးလွှားလွှား ပျော်ပျော်ပါးပါးကို အလုအယက် ပြေးဝင်သွားကြတာမို့၊ ကျွန်တော် အံ့သြနေမိပါရဲ့။
အနားမှာရှိနေတဲ့ မြန်မာအချို့ကိုတောင် ကျွန်တော် ပြောလိုက်သေးတယ်။
" ရူးလည်းရူးတဲ့ကောင်တွေကွာ " ဆိုတော့ သူတို့ကလည်း မျက်နှာနွမ်းနွမ်းလေးတွေနဲ့
ထောက်ခံကြောင်းပြုံးပြရင်း ၁၂ ယောက်လောက်ရှိတဲ့ ကျွန်တော်တို့ မြန်မာအုပ်စုက
အေးအေးဆေးဆေး ဖြည်းဖြည်းပဲ အိနြေ္ဒရရနဲ့ အဆောင်ပေါ်တက်သွားကြပါတယ်။
အဆောင်ထဲရောက်တော့မှ အိနြေ္ဒရရနဲ့ လူတတ်ကြီးလုပ်ခဲ့တာဟာ အကျိုးနည်းမှန်းသိရတော့တာပါပဲ။
ဘယ်ဟုတ်မတုန်း အဆောင်ထဲမှာက ဦးရာလူစနစ်ဆိုတော့ အရင်ရောက်တဲ့လူတွေက
နေရာကောင်းလေးတွေကို ဦးထားကြတာမို့၊
နောက်ဆုံးမှဝင်သွားတဲ့ ကျွန်တော်တို့အိနြေ္ဒရှင်ကြီးများအုပ်စုကတော့ အိမ်သာအဝနားမှာပဲ
နေရာ ရကြပါတော့တယ်။
အိမ်သာနဲ့ရေချိုးခန်းက တစ်ခန်းထဲမို့၊ ရေဝင်ချိုးတာပဲဖြစ်စေ၊ အိမ်သာဝင်တက်တာပဲဖြစ်စေ၊
အဲဒီကရေစက်တွေစင်တာရော အဲဒီထဲကထွက်လာသူတွေရဲ့ ခြေထောက်ကရေတွေကြောင့်ရော၊
အိမ်သာနံ့တွေကြောင့်ရော၊ ကျွန်တော်တို့အုပ်စုလေးရဲ့ နေရာလေးဟာ ညစ်ပတ်နံစော်နေတော့တာပါပဲ။
ဘာတတ်နိူင်တော့မလဲ။ ဘဝအတွေ့အကြုံဆိုတာ အခုလိုရင်းပြီးမှ ရတတ်တာမျိုးမဟုတ်လား။
အဲဒီညမှာပဲ ကျွန်တော်တို့ မြန်မာအုပ်စုထဲက နှစ်ယောက် ပြဿနာတက်ပါတယ်။
အခြားမဟုတ်ပါဘူး။ သူတို့က အပြင်မှာတုန်းက ဘိန်းရောင်းရင်း ဘိန်းရှုခဲ့ကြတာမို့၊
အခုထောင်ထဲရောက်တော့ မရှုရလို့ ဘိန်းယင်းကိုက်ကြတော့တာပါပဲ။
ကျွန်တော့်အတွက်တော့ အတွေ့အကြုံအသစ်တွေပါ။
နှစ်ယောက်စလုံးဟာ မွေ့ယာပါးပါးလေးပေါ်မှာ ချွေးစေးတွေနဲ့ လူးလိမ့်နေပါတယ်။
တစ်ချက်ချက် အောက်ကနေ ကင်းထိုးလိုက်သလိုလို၊ မြွေပေါက်လိုက်သလိုလိုကို
အလန့်တကြား ထထခုန်နေလေရဲ့။ ပါးစပ်ကလည်း ကယောင်ကတမ်းတွေ ညည်းနေပါတယ်။
တစ်ကိုယ်လုံးကို ကုတ်ခြစ်ရင်း၊ အသံထွက်အောင်အထိကို သွားကြိတ်နေပါသေးတယ်။
တစ်ကိုယ်လုံး အရိုးထဲကအထိပါ ကိုက်ခဲနာကျင်နေတာမို့ နင်းပေးပါ အစ်ကိုဆိုပြီး၊ အကူအညီတောင်းလို့
ကျွန်တော်နဲ့ နောက်တစ်ယောက်က ကူညီပြီး နင်းနှိပ်ပေးကြပါတယ်။
တစ်နာရီလောက်နင်းနှိပ်ပေးနေတာတောင် သူတို့ သက်သာပုံမရပါဘူး။
နောက်တော့ ကျွန်တော်တို့လည်း ပင်ပန်းနေတာမို့ သူတို့အော်ဟစ်ညည်းညူသံတွေကို ကြားနေရင်းနဲ့ပဲ၊
အိပ်ပျော်သွားကြပါတယ်။
အမေ့ရဲ့အိမ်အိုတံခါးဝလေးကို တိုးတိုးလေးခေါက်လိုက်တော့၊
အမေက မျက်ရည်တွေလိမ်းကျံထားတဲ့မျက်နှာလေးနဲ့ ကျွန်တော့်ကို အလှဆုံး ပြုံးပြနေလေရဲ့။
အထီးကျန်နေရှာတဲ့ အမေ့မျက်နှာလေးကို ကျွန်တော် ခပ်ဖွဖွကိုင်တွယ်လိုက်တော့၊
ကျွန်တော့်လက်အစုံကို အပေါ်ကအုပ်မိုးပြီးကိုင်ထားတဲ့အမေ့ရဲ့လက်တွေက သန်မာလိုက်တာ။
" အမေ့နားကနေ ဘယ်ကိုမှ ထပ်မထွက်သွားပါနဲ့တော့ သားရယ် " တဲ့။
တုန်ရီနေတဲ့ အမေ့အသံတွေက ချိုမြိန်လွန်းလှပေမယ့် ကျွန်တော့်ရင်ထဲကို
ဓားတစ်ချောင်းဖောက်ဝင်သွားသလို၊ နာနာကျင်ကျင် ခံစားလိုက်မိပါတယ်။
ကျွန်တော် ဗြုန်းခနဲ အိပ်ရာက လန့်နိူးတော့ ကျွန်တော့်မျက်လုံးထဲကနေ
မျက်ရည်တွေ တသွင်သွင်စီးကျနေလေရဲ့။
ဘေးတစ်ဖက်က လူးလိမ့်နေတဲ့ ဘိန်းယင်းကိုက်နေတဲ့ နှစ်ယောက်ကိုကြည့်ရင်း၊
ကျွန်တော်ကိုယ်တွေ ခြစ်ခြစ်တောက်ပူနေတာကို သိလိုက်ရတယ်။
ဟုတ်ပါရဲ့။
ကျွန်တော် ဖျားနေပြီဆိုတာ သေချာသွားခဲ့တယ်။ အချုပ်ထဲစဝင်ချိန်က တစ်ခါ အခု တစ်ခါ။
ခလုတ်ထိမှ အမိတတယ် ဆိုတာ သိပ်မှန်တဲ့ စကားပါပဲ။
aစာစောကလေးတင်ပဲ မသိစိတ်နဲ့ အမေ့ကို တ မိလို့၊
အမေ့ကို အိပ်မက်မက်ခဲ့သေးတာပဲ။ ကျွန်တော် အမေ့ဆီ အရောက်ပြန်ခဲ့မယ် အမေ။
စိတ်ဓာတ်ကြံ့ခိုင်နေမှ အမေ့ခြေရင်းကို ပြန်လည်ဦးခိုက်ခွင့်ရမှာမို့၊
အံကို တင်းတင်းကြိတ်ရင်းကတုန်ကယင်အဖျားတွေ တစ်ပွေ့တစ်ပိုက်ကြီးနဲ့ပဲ
ကျွန်တော် အိပ်ပျော်သွားခဲ့ပြန်ပါတယ်။
ညီလင်းနိူင်
2 comments:
အခု တတိယပိုင်း အထိ ရောက်လာလေလေ အရှိန်က တရိပ်ရိပ်နဲ့ တက်လာလေလေ ပါပဲ၊ စိတ်ဝင်စားဖို့ ကောင်းတယ် ဆိုတာထက်ကို အများကြီးပိုပြီး ဆွဲခေါ်သွားခဲ့တယ်ဗျာ၊ နောက် အပိုင်းတွေလည်း စောင့်နေပါတယ်...။
ကဗျာမှာတော့ အကို့လက်က ဒါ ညီလင်းနိုင်ရေးဟန်ပဲလို့ ဆိုရလောက်အောင် ခိုင်မာနေခဲ့ပြီ အကိုရေ...။ :)
Post a Comment